Hvammsvik

Heitar laugar í Hvammsvík

Hvammsvík er einstök náttúruupplifun í Hvalfirði þar sem heitar laugar, sjórinn og íslensk náttúra mætast á einum fallegasta stað landsins.

Á svæðinu eru átta náttúrulegar heitar laugar af mismunandi stærðum og hitastigi sem liggja alveg við sjávarsíðuna. Hópurinn getur slakað á í heitu vatninu, notið útsýnisins yfir Hvalfjörð eða kælt sig niður með dýfu í sjóinn á milli lauga.

Hvammsvík er aðeins í um 45 mínútna akstursfjarlægð frá Reykjavík, sem gerir staðinn tilvalinn sem hluta af starfsmannadegi, óvissuferð eða afslappaðri hópferð.

Upplifunin

Gestir fá að njóta lauganna á eigin hraða og upplifunin hentar því bæði þeim sem vilja einfaldlega slaka á og þeim sem vilja prófa að fara á milli heitra lauga og kalds Atlantshafsins.

Samspil sjávarfalla, náttúrulegs umhverfis og jarðhitans gerir það að verkum að upplifunin getur verið aðeins öðruvísi í hvert skipti sem komið er.

Á staðnum er einnig hægt að fá sér mat og drykki og gera heimsóknina að enn stærri hluta af deginum.