Fjórhjólaferð

Mýrarkot SPA

Slakið á saman í notalegu og einkaafskekktu SPA rétt fyrir utan Reykjavík.

Mýrarkot SPA er tilvalið fyrir starfsmannahópa sem vilja hægja aðeins á sér, njóta góðrar samveru og hafa alla aðstöðuna út af fyrir sig. Staðurinn er staðsettur í fallegu umhverfi við Úlfarsfell og aðeins um 15 mínútna akstur frá miðbæ Reykjavíkur.

Aðstaðan

Í Mýrarkot SPA eru tveir stórir heitir pottar þar sem hópurinn getur slakað á saman, ásamt sauna, köldu kari og útisturtu.

Rúmgóðir búningsklefar eru á staðnum með sturtum og salernum.

Yfirbyggð og skjólgóð verönd umlykur pottana, með borðum og stólum fyrir hópinn. Þar er tilvalið að setjast niður á milli baða, njóta léttra veitinga og eiga góða stund saman.

Gerið meira úr deginum

Einnig er hægt að leigja sal á staðnum gegn aukagjaldi, sem hentar vel fyrir hópa sem vilja sameina SPA upplifunina við veitingar, fund, skemmtun eða aðra dagskrá.

Þannig er hægt að gera Mýrarkot að heilli upplifun fyrir starfsmannahópinn byrja daginn á dagskrá eða veitingum og enda síðan á afslöppun í pottunum og sauna.

Í Spa eru:

Tveir stórir heitir pottar

Sauna

Kalt kar

Útisturta

Búningsklefar og sturtur

Yfirbyggð verönd með borðum og stólum

Mýrarkot SPA er leigt út fyrir hópa og því fær hópurinn aðstöðuna út af fyrir sig.

Hámarksfjöldi: Allt að 20 manns

Leigutími: 4 klst.

Staðsetning: Um 15 mínútur frá miðbæ Reykjavíkur

Frábær kostur fyrir starfsmannaferðir, hópefli, óvissuferðir, gæsanir og steggjanir.