Fjórhjólaferð

Hoppland:  þorir þú að taka stökkið?

Ferskt sjávarloft, smá adrenalín og stökk beint út í Atlantshafið. Hoppland á Akranesi er fyrir hópa sem vilja prófa eitthvað öðruvísi og ögra sér saman!

Hjá Hopplandi fær hópurinn tækifæri til að stíga aðeins út fyrir þægindarammann og upplifa sjóstökk í skemmtilegu umhverfi. Hér er hægt að stökkva af mismunandi háum pöllum og vinna sig upp eftir því sem hugrekkið eykst  fyrir þá allra djörfustu bíður allt að 10 metra stökk út í sjóinn.

Þetta er upplifun þar sem stemningin í hópnum skiptir ekki síður máli en sjálft stökkið. Vinnufélagarnir hvetja hver annan áfram, fagna góðum stökkum og komast fljótt að því hverjir eru fyrstir til að taka stóra stökkið  og hverjir þurfa aðeins meiri hvatningu!

Ekki þarf að eiga allan búnaðinn sjálfur því hægt er að leigja blautbúning á staðnum. Öryggi er í fyrirrúmi og allir sem nota stökkpallana þurfa að kynna sér reglur Hopplands og skrifa undir ábyrgðaryfirlýsingu.

Frábær afþreying fyrir hópa sem vilja sameina útiveru, sjóinn og smá adrenalín  og fara heim með góða sögu úr vinnuferðinni.

Í boði

• Sjóstökk af mismunandi háum pöllum

• Allt að 10 metra stökk fyrir þá hugrökkustu

• Leiga á blautbúningum

• Sérstök hópaverð í boði

• Hópabókanir

• Afþreying utandyra við sjóinn á Akranesi

• Upplifun sem hentar vel fyrir starfsmannahópa sem vilja ögra sér og prófa eitthvað nýtt saman

Athugið: Notkun áfengis og annarra vímuefna er með öllu óheimil við afþreyinguna.

Staðsetning: Bakkatún 5, Akranes