Matarferð

Matarferð um Reykjavík

Bragðgóð ferð um miðborgina þar sem hópurinn heimsækir valda veitingastaði, smakkar fjölbreyttan mat og kynnist Reykjavík á skemmtilegan hátt.

Matarferð um Reykjavík er skemmtileg og öðruvísi upplifun fyrir fyrirtækjahópa sem vilja gera eitthvað saman.

Í ferðinni gengur hópurinn um miðbæ Reykjavíkur með skemmtilegum leiðsögumanni og heimsækir úrval veitingastaði. Á hverjum stað fær hópurinn að smakka mismunandi rétti og kynnast íslenskri matarhefð, hráefnum og sögunum á bak við matinn.

Þetta er því miklu meira en einfaldlega að fara saman út að borða. Ferðin blandar saman mat, göngu, sögum, stemningu og góðum félagsskap og hentar sérstaklega vel fyrir hópa sem vilja afslappaða en skemmtilega dagskrá.

Ferðin tekur um 3 klukkustundir og leiðin um miðborgina er róleg og þægileg. Á leiðinni eru heimsóttir nokkrir sérstaklega valdir matarstaðir þar sem hópurinn sest niður og smakkar fjölbreytta rétti. Wake Up Reykjavík hefur þróað matarferðina frá árinu 2014 og leggur áherslu á staðbundna staði, íslenskan mat og persónulega upplifun.

Frábær leið til að gera eitthvað saman

Matarferðin hentar einstaklega vel fyrir starfsmannahópa þar sem allir geta tekið þátt og engin sérstök kunnátta eða undirbúningur er nauðsynlegur.

Hún getur staðið ein og sér sem aðalafþreying dagsins en er líka frábær hluti af stærri starfsmannaferð eða óvissuferð. Byrjið daginn á annarri afþreyingu og endið síðan saman í matarferð um miðborgina  eða notið ferðarinnar sem upphaf að kvöldi í bænum.

Þetta er sérstaklega góð upplifun fyrir hópa sem vilja:

Prófa eitthvað öðruvísi saman

Smakka fjölbreyttan mat á nokkrum stöðum

Kynnast miðborg Reykjavíkur frá öðru sjónarhorni

Eiga afslappaðan tíma saman utan vinnunnar

Sameina mat og afþreyingu í sömu dagskrá

Matur, Reykjavík og góð stemning

Það skemmtilega við matarferðina er að hópurinn er stöðugt á hreyfingu og upplifunin breytist á milli staða. Í stað þess að sitja allan tímann við sama borðið gengur hópurinn saman á milli veitingastaða, smakkar nýja rétti og fær nýja upplifun á hverjum stað.

Útkoman er afslappað og félagslegt kvöld eða síðdegi þar sem maturinn verður hluti af skemmtuninni.