Hellaferð

Raufarhólshellir:

Gangið inn í annan heim og upplifið krafta íslenskrar náttúru frá alveg nýju sjónarhorni aðeins um 30 mínútum frá Reykjavík.

Ferð í  Raufarhólshelli, The Lava Tunnel er skemmtileg og fróðleg upplifun fyrir starfsmannahópa sem vilja gera eitthvað öðruvísi saman. Gengið er inn í einn lengsta hraungang Íslands og fetað í fótspor hrauns sem rann þar fyrir um 5.200 árum.

Í hefðbundnu ferðinni leiðir reyndur leiðsögumaður hópinn inn í hellinn þar sem áhrifamikil lýsing dregur fram litbrigði, hraunmyndanir og ummerki þeirra gríðarlegu náttúruafla sem mótuðu hellinn. Göngubrýr og stígar hafa verið lagðir yfir erfiðustu kaflana og því er ferðin aðgengileg flestum.

Á veturna tekur hellirinn á sig enn annan svip þegar ísmyndanir og ísdrönglar myndast við hellismunnann og blandast saman við hraunið og lýsinguna.

Fyrir hópa sem vilja meiri áskorun er einnig hægt að velja Hraunfossaævintýrið, þar sem farið er lengra og dýpra inn í hellinn að stórbrotnum hraunfossum. Sú ferð er líkamlega krefjandi og ætluð þeim sem eru í góðu formi og hafa gott jafnvægi.

Einstök afþreying þar sem náttúra, jarðfræði og góð samvera mætast og hópurinn fær að sjá Ísland frá sjónarhorni sem fæstir upplifa í hversdagsleikanum.

Hefðbundin ferð: Um 55–60 mínútur í hellinum.

Einnig í boði: Hraunfossaævintýrið fyrir minni hópa sem vilja krefjandi 3–4 klst. hellaferð.

Innifalið:  Leiðsögn um hellinn, hjálmur og ljós. Mannbroddar eru útvegaðir á veturna þegar þörf er á.

Gott að hafa með: Hlý föt og góða gönguskó. Vatnsheld eða vatnsfráhrindandi yfirhöfn er einnig góð hugmynd.

Staðsetning: Raufarhólshellir, við Þrengslaveg um 30–35 mínútna akstur frá Reykjavík.